الشاعر مطير الرمالي

[نخيلان الهرماس]

يا عاذلٍ قلبٍ هوا البر هاويه
لا تنصحن يا عاذلي وش تبي بي
لاصار ماتدري عن القلب وشفيه
الحكي ياعرق الرحم وش يجيبي
دام القدر ياعاذلي منت قاويه
افطن لنفسك خوف لا تلتهي بي
ان ضقت اناجي بالخفا حيٍ ارجيه
هوخالق ادم من ترابن كثيبي
الواحد اللي ماتعدد حسانيه
هو مسندي هو فزعتي هو حسيبي
وان ضايقت قلبي هموم توازيه
جبت الورق والحبر الازرق بجيبي
واكتب جديد الشعر واحسن معانيه
قبل الهواجيس الجسام تغديبي
الشعر لو هجسك بغا الموت يحيه
ويجهز لحربك من بعيد وقريبي
ولا ينّطح ياصاح صعبٍ تحديه
ويفشل دفاعك لو سلاحك رهيبي
يالعمر كنه مدرع الخام يطويه
من راس خمرة كم شمسٍ تغيبي
والكون كله لو ملكته بما فيه
من دنيتي يامت وشو نصيبي
بس الكفن حقي عسي اللي يلويه
والروح لاراحت مني وش بقي بي
مادام جسمي ياكل الدود تاليه
ابي اتعبه قبل العما يغتني بي
وكم من جوابٍ طاري لي وخليه
من شان يالعاذل عليهن تجيبي
تلقىالجواب بذات نفسك وتبديه
وتقنع برايي عقب منته طليبي
والعرف مايعرض علي غير راعيه
ولا افرض علي اللي عارضن يقتدي بي
انا هوا قلبي بعيد المداليه
وامشي علي كيفي بقفرن خصيبي
في مرتعن صعبن علي البدو تاتيه
ماحولهم مروى ولا به قليبي
يتلف مطافيق الركايب مضاميه
قب الضلوع قليلاات الحليبي
الا قطيعٍ يا مشا السكس يتليه
راعيه ما حسب لنجم الرقيبي
يشبه لصوته يوم بالترس يعطيه
صوت العجاج بموميات العسيبي
كم هاجسن في جمرة القيظ يرويه
عدو الضما لو به طقت صليبي
كم خايعٍ بقبالة الليل يضويه
باتلى الشفق والشمس عند المغيبي
لو شفتني عندك خفوقي يباريه
بين الحزوم وبين برق الشعيبي
ماني مشجع لاعب التنس وبليه
والمنتخب والمنتخب ما دري بي
شفي علي اللي نازح البعد يدنيه
منوة محبن عن دياره غريبي
لا ركبه السواق كنه منابيه
تنزيز جنن شايفن وجه ذيبي
يقطع جراهيد السهال الرهاريه
وابيه عن مدن الشقا ينتحي بي
هذا هواي وصعبن ادله وخليه
لوكل سكان الشعوب تحكي بي

[ابو راضي]

مشكور على النقل أبو ياسر

أطال الله بعمرك وبارك فيك

ودمت بحفظ الله

[عبدالحكيم جردان]

نقل رائع ابو ياسر كل الشكر لك


دمت بوووووود

[المعيدي]

يعطيك العافيه اخوي نخيلا ن على النقل الرائع

[عقيد الغرير]

نخيلان الهرماس

دائمًا متجدّد في النقل

لاتحرمنا هذا الحس الراقي والذوق

عقيد الغرير