الحاتمي
11-09-2008, 01:23 PM
السلام عليكم ورحمة الله وبركاته
اليوم جايب لكم قصة عبيد العلي الرشيد و ابن سليم (راعي عنيزه) يوم يتعرض للاسلمية
احداث هذه القصة وقعت بعد معركة بقعاء المشهوره بمدة قصيره واهل القصيم وخاصة اهل عنيزة حاقدين على شمر !؟
بسبب المذبحة اللي صارت عليهم بكون بقعاء 000
والسالفه هي ان اسلمية ركّادة بعنيزه ورحلت بالربيع اثريه نزلت بحمى ابن سليم ؛ طلع عليه ابن سليم !!
وقال: هه وش اللي جايبكم بالحمى !!؟
قالت : يابعد حيي مادرينا انه حمى ولا معنى شين معنى هالجملين وخمس معزى !!
وعنده وليد له جذع 00 ودلى بهالشوحط يضرب الوليد !! وهي تدلِّي تشفّع له وتطلبه : ياخيي ادخل على الله لاتضرب هالوغيد ياخيي !!
الثمـرة ماارد عليه !! <<<<< اه وا فوح كبدي اه وا غبنه لو اني ماكن على هالوقت , اثاريه غبنِه المسكينه وقالت : ياعبيد اودز ( انظر الينا ) وفي روايه (قالت يا عبيد يا رجالي وهذي هي المشهوووره عندنا بسلمى )قال ابن سليم : بعد تنخين عبيد !! من به عرق كلب نبح ؟؟..وهو يسل السيف وهو يضربه يمار قاطعن راس هالليـد(أي الولد)
طبعـــــــــا ذبحــــــه برمضــــــــــان
راح العلم وجاء عبيد وهو يوم دري !!
قال : انا اخو نوره !! وهالحين مازعل عليه وذبحه الا يوم قالت ياعبيد اودز ؟؟!! (او يا عبيد يا رجالي)يالله يا شمر والله الا يوم النحر ( عيد الضحيه ( ترووونا غزوا
يم عنيزه يم ابن سليم
ويوم جا ليلة العيد وهو يكمن لهم . . وهم يوم تعيدوا سرحوا ادباشهم ،
وهو
يرسل عبيد عليهم الجيش(عددهن 30 ذلول ) قال : خوذوا الدبش من شان ليا شافوهم اهل جيش كل الديرة تفزع مايبقى احد واللي بي يروح يفزع وماهو على مطية خلوه يفزع , راح الفزاع ؛ هاه وشي اللي جتكم ؟ قالوا : جيش . كم هم؟ قالوا : قيمة ثلاثين ذلول !!
وهي تفزع الديرة كله (اهل عنيزه) , واكمن ياعبيد ليا ما شاف الحريم طلعن من برا الديره يراعن لمهف رجالهن !؟
وهذا معناه انه ما بقي رجال بالديره
قال عبيد: يالله اقطعوا ثنوهم وتروا اليوم مافيه منع !! وهم يرثعون بهم شمر
00 وهو يخز عبيد هكالخيال المجوّخ ـ لابس جوخه على شان يبرز نفسه عن فرسان الديرة ـ وهو يلحقه !! التفت راع الفرس ليا هذا عبيد جاي << جاكـ الموت يا تاركـ الصلاة
قال : لا ياشيخ ياعبيد لاتذبحن !؟
قال: ماهو انت ابن سليم ؟
قال لاوالله يا بعد حي ـ ـ انا ابو بطين!!
قال عبيد : وين ابن سليم ؟
قال: هذاك هو وغط عليه (اشر عليه ) وهو يميله عليه !! << كأنه يقول سنرى من فينا الاعز
ويوم شافه ابن سليم وهو ينكس للقصر هج !
ولا يلحقه الا عند بوابه القصر-هو يسجفه بالرمح يمار عاضن الارض
وهو يموت ...
عاد يقصد الاميرعبيد العلي الرشيد ، يقول :-
يابوبطين اسـأل لـي الخالديـه
قل وشلون نومه يوم خلِ المكاني
شلّيت زوجه فوق بنـت العبيـه
عامين ما شمّه عريب الحصانـي
كلـه لعيون صيحـة الاسلميـه
يا فرحة المضيوم للي نخاني
وش االلي يحرم دمكم بالضحيـه
وحنـا يحلـل دمنـا برمضانـي
وسلامتكم هذا اللي عرفنا منه 00 والمعذرة 000
طرح السبب الذي جلعني انزل هالقصــــه
هو قلـــة العارفين بها كقصـــه وقصيــــده
وحبيت ان اطرحها لكم بهالمنتدى
(((((((( كالعاده اي استفسار عن هالقصه او ملاحظه ترووني جاهـــز )))))))
وفمان الله
اليوم جايب لكم قصة عبيد العلي الرشيد و ابن سليم (راعي عنيزه) يوم يتعرض للاسلمية
احداث هذه القصة وقعت بعد معركة بقعاء المشهوره بمدة قصيره واهل القصيم وخاصة اهل عنيزة حاقدين على شمر !؟
بسبب المذبحة اللي صارت عليهم بكون بقعاء 000
والسالفه هي ان اسلمية ركّادة بعنيزه ورحلت بالربيع اثريه نزلت بحمى ابن سليم ؛ طلع عليه ابن سليم !!
وقال: هه وش اللي جايبكم بالحمى !!؟
قالت : يابعد حيي مادرينا انه حمى ولا معنى شين معنى هالجملين وخمس معزى !!
وعنده وليد له جذع 00 ودلى بهالشوحط يضرب الوليد !! وهي تدلِّي تشفّع له وتطلبه : ياخيي ادخل على الله لاتضرب هالوغيد ياخيي !!
الثمـرة ماارد عليه !! <<<<< اه وا فوح كبدي اه وا غبنه لو اني ماكن على هالوقت , اثاريه غبنِه المسكينه وقالت : ياعبيد اودز ( انظر الينا ) وفي روايه (قالت يا عبيد يا رجالي وهذي هي المشهوووره عندنا بسلمى )قال ابن سليم : بعد تنخين عبيد !! من به عرق كلب نبح ؟؟..وهو يسل السيف وهو يضربه يمار قاطعن راس هالليـد(أي الولد)
طبعـــــــــا ذبحــــــه برمضــــــــــان
راح العلم وجاء عبيد وهو يوم دري !!
قال : انا اخو نوره !! وهالحين مازعل عليه وذبحه الا يوم قالت ياعبيد اودز ؟؟!! (او يا عبيد يا رجالي)يالله يا شمر والله الا يوم النحر ( عيد الضحيه ( ترووونا غزوا
يم عنيزه يم ابن سليم
ويوم جا ليلة العيد وهو يكمن لهم . . وهم يوم تعيدوا سرحوا ادباشهم ،
وهو
يرسل عبيد عليهم الجيش(عددهن 30 ذلول ) قال : خوذوا الدبش من شان ليا شافوهم اهل جيش كل الديرة تفزع مايبقى احد واللي بي يروح يفزع وماهو على مطية خلوه يفزع , راح الفزاع ؛ هاه وشي اللي جتكم ؟ قالوا : جيش . كم هم؟ قالوا : قيمة ثلاثين ذلول !!
وهي تفزع الديرة كله (اهل عنيزه) , واكمن ياعبيد ليا ما شاف الحريم طلعن من برا الديره يراعن لمهف رجالهن !؟
وهذا معناه انه ما بقي رجال بالديره
قال عبيد: يالله اقطعوا ثنوهم وتروا اليوم مافيه منع !! وهم يرثعون بهم شمر
00 وهو يخز عبيد هكالخيال المجوّخ ـ لابس جوخه على شان يبرز نفسه عن فرسان الديرة ـ وهو يلحقه !! التفت راع الفرس ليا هذا عبيد جاي << جاكـ الموت يا تاركـ الصلاة
قال : لا ياشيخ ياعبيد لاتذبحن !؟
قال: ماهو انت ابن سليم ؟
قال لاوالله يا بعد حي ـ ـ انا ابو بطين!!
قال عبيد : وين ابن سليم ؟
قال: هذاك هو وغط عليه (اشر عليه ) وهو يميله عليه !! << كأنه يقول سنرى من فينا الاعز
ويوم شافه ابن سليم وهو ينكس للقصر هج !
ولا يلحقه الا عند بوابه القصر-هو يسجفه بالرمح يمار عاضن الارض
وهو يموت ...
عاد يقصد الاميرعبيد العلي الرشيد ، يقول :-
يابوبطين اسـأل لـي الخالديـه
قل وشلون نومه يوم خلِ المكاني
شلّيت زوجه فوق بنـت العبيـه
عامين ما شمّه عريب الحصانـي
كلـه لعيون صيحـة الاسلميـه
يا فرحة المضيوم للي نخاني
وش االلي يحرم دمكم بالضحيـه
وحنـا يحلـل دمنـا برمضانـي
وسلامتكم هذا اللي عرفنا منه 00 والمعذرة 000
طرح السبب الذي جلعني انزل هالقصــــه
هو قلـــة العارفين بها كقصـــه وقصيــــده
وحبيت ان اطرحها لكم بهالمنتدى
(((((((( كالعاده اي استفسار عن هالقصه او ملاحظه ترووني جاهـــز )))))))
وفمان الله