النادر
10-19-2008, 10:58 AM
كان يامكان في قديم الزمان .........كان هناك رجل ميت من الجوع وكان يبحث عن مكان ليجد له على عمل وكان في طريقه لقرية مجاوره بها ملك غني وبها عمل وفير وفي طريقه وجد ذئب يطرد فتاة يريد أن يأكلها وكانت البنت تصيح بأعلى صوتها أنقذوني أفزعولي ألحقوني وهرول ذلك الأعرابي بأتجاه الصوة وقتل الذئب وقامت الفتاة تتشكر منه بأنها أنقذ حياتها وقالت له يارجل هيا لأبي ليجزيك على فزعتك لي من الذئب (البنت جنيه بنت جني) الرجال مايدري وهو بطريقه معها قابلها والدها وقام يتشكر منه بأنه أنقذ حياتها وقال الليله أمرح هنا وقام بواجب الضيافه وقال بكرى الصبح ياقمت من النوم تتجه للجهه الفلانيه وتلقى كلب أسود وأعورتصوت وتقول (ياعلي) لاتلتفت يمه المهم الرجال نام ويوم قام الصبح يامار لحاله ماعنده أحد وين العرب مايدري متى راحو مايدري قام الرجال وعرف أنهم جن ركب رحوله وراح يم الديره اللي كان يبها ويوم أقبل عليها يامرا الكلب العور الأسود عند مدخل الديره ينبح مع الكلاب صوت وقال ياعلي وهو متجود بالنصيحه مايلتفت مادرا الأ الرجال مطابجه على ضهر الذلول وقاله لاتاقف أدخل الديره أبي أدخل معك وبيك تحميني وألك ماتبي بهالدنيا أنا أبوي موصيني عليك لأنك أنقذت أختي من الذيب قال ههه وغيره قال أبيك تذبح الديك الأسود اللي عند عتبت بيت الملك قال ليه قال أبي أدخل وأعلمك بعدين قاله أبيك تذبحه بأي طريقه ولا تخاف من أحد أنا معك راح الأعرابي لبيت الملك وهو خايف لقى الديك وذبحه وهرب خذا له كم يوم ماصار شي على الحني قال بنفسه ضحك علي ملعون الوالدين طلع من الديره هارب لأنه مطلوب عند الملك بقتل ديك ولقى الكلب قال تعال ليه تضحك علي يالكلب قال ماضحكت عليك بس أنا ماقدرت أدخل البيت لأنك ذبحت الديك على العتبه ودمه على العتبه ومادام دمه على العتبه ماأقدر أدخل ومن المعروف أن الديك ياكل الجن قاله أرجع وأغسل الدم وأبشر بعزك قال يذبحوني قال لاتخاف من تغسل الدم أبشر بعزك ترى الملك عنده بنت أسمه (البندري) ملكة جمال ووحيدة أبيها ووريثته بالملك والمال والجاه وأبي أدخل عليها وبي أسكن به وتمرض ويقول الملك من يعالجها له عزه وترني يالجني ماراح أطلع ألأ أذا قريت عليها أنت يالأعرابي هم يبي يسجنونك وقل لهم آخر شي أنا أعالجها لكم وتقرا عليها وأبي أطلع منها وتصير وزير له وأطلب شروطك عليهم خلاص قال خلاص أتفقنا قال أتفقنا راح الأعرابي للقصر وغسل الدم وقبضوا عليه الحراس وقال الملك حطوه بالسجن صاحت البنت وتفرقع الملك من مرض بنته جاب الأطباء والأأمه والشيوخ وكل يحاول ولاكن لاشي بدون نتيجه الملك قال لهم اللي يعالج بنتي له عزه بالدنيا وشريك معي بالحكم كل قام يحاول وصار القصر مفتوح كل يحاول لعل الله يوفقه بقرايته وطبابته ولاكن لافائده قال السجين الأعرابي أنا أعالجها أدعوا الملك لي يطلبني وأنا أعالجها دعوا الملك وجاه وقاله تكفى بنتي مالي غيره قال بس بشرط قال لك اللي تبي قال خلاص قرى عليها وبريت البندري وقامت مثل الغزال وأحسن من أول وفرح الملك وخلاه وزيره وزوج بنته وقام الأعرابي وقعد داخل الخزنه يعد الدنانير ليل نهار وصار الأعرابي من فقر إلى غنى ومن ومن باحث للعمل إلى حاكم تعمل الناس لديه ومن أرمل إلى رجل بنت الملك .....وهذه القصه مهداه لمنتدى بن عدي وخاصة ................(البندري1429/10/18),,,,,,,,,,