زيد الهويران
09-13-2008, 05:58 PM
قد تكون القصيدة قديمة ولكن ما حبيت أبدأ بالمنتدى إلا بشيء يرضي الجميع
لي شـــعورٍ جـابه الله في زمــانٍ من زمـــانه = واستقرت في خــفوقــي والمشاعر يرغـــــبونه
شــعري اللي لا كتبـته مثل فـرخ الكــيروانه = كل ما يكـبر جـناحــه كـثروا اللي يطلــبونه
آآه يا قلبٍ بـلاني .. بين هــمه .. وهـــذيانه = وأدري إنه ما تعــدى حـاجــتينٍ يشـــغلونه
ضلع سلمى لا ذكرته .. وافتكرت الديدحانه = كنها سلمـى تمــايل في عـــيونٍ يعشــــقونه
أتمــتع بالشـــوامخ .. واتلــذذ برقــــــيانه = لين أنا بآخر مداها .. هيّض الخافق شجونه
جيتلك ياغلى رواسي يملك الخافق حــــنانه = كنها قالـت هـلا بك .. والمدامـع يحرجــونه
ماخذٍ قلبي غلاها .. وارتفـع عنـدي مكـــانه = ضلعـها لونه بدمـي ما وطـى درب المهـــونه
ما يذوب الحـبّ فيني لو تذوب الشمعــدانه = لو بقى بآخر رمقها لمـعت الصـبح الفـــتونه
ديرتي ماهـي غريـبة ياهل العرف التكـانه = من سمع عنها يجيها .. سيرة الصمّ الحنونه
ريحة الطلح بشعيبه يسوى روض القحويانه = للنحـل قمّــة مراده للتــعافي يوصـفــــــونه
ياحلو هاك البطاحي .. نومةٍ به .. ومشيانه = أو بها شبت غضاةٍ تبري الكبد الغــــــبونه
مع رفيقٍ ما يجيني بالخطأ .. باسم الميــانه = عارفٍ قدر الصداقه مع صديقٍ ما يخــــونه
بينـنا دلة قــراحٍ فـــاح منـها زعـفــــرانه = قــدرها مـدت يمـيني للنشــاما يشـــربونه
ذاك ضـلعٍ لو تكلم ما بغــيت الترجــــمانه = قال أنا عشقي لسلمى عشقت القيس وجنونه
يا جـبل سلـمى طلبـتك شـاعرٍ بيّن زمـــانه = بيننا خل المحــبه كل ناسٍ يذكـــــــرونه
جيت لك رابــع ثلاثه .. مالقوا فيك المهـــانه = يا عسى ديرة خـوالك يا يبه يكـثر مـزونه
وللجميع تحياتي وتقديري
لي شـــعورٍ جـابه الله في زمــانٍ من زمـــانه = واستقرت في خــفوقــي والمشاعر يرغـــــبونه
شــعري اللي لا كتبـته مثل فـرخ الكــيروانه = كل ما يكـبر جـناحــه كـثروا اللي يطلــبونه
آآه يا قلبٍ بـلاني .. بين هــمه .. وهـــذيانه = وأدري إنه ما تعــدى حـاجــتينٍ يشـــغلونه
ضلع سلمى لا ذكرته .. وافتكرت الديدحانه = كنها سلمـى تمــايل في عـــيونٍ يعشــــقونه
أتمــتع بالشـــوامخ .. واتلــذذ برقــــــيانه = لين أنا بآخر مداها .. هيّض الخافق شجونه
جيتلك ياغلى رواسي يملك الخافق حــــنانه = كنها قالـت هـلا بك .. والمدامـع يحرجــونه
ماخذٍ قلبي غلاها .. وارتفـع عنـدي مكـــانه = ضلعـها لونه بدمـي ما وطـى درب المهـــونه
ما يذوب الحـبّ فيني لو تذوب الشمعــدانه = لو بقى بآخر رمقها لمـعت الصـبح الفـــتونه
ديرتي ماهـي غريـبة ياهل العرف التكـانه = من سمع عنها يجيها .. سيرة الصمّ الحنونه
ريحة الطلح بشعيبه يسوى روض القحويانه = للنحـل قمّــة مراده للتــعافي يوصـفــــــونه
ياحلو هاك البطاحي .. نومةٍ به .. ومشيانه = أو بها شبت غضاةٍ تبري الكبد الغــــــبونه
مع رفيقٍ ما يجيني بالخطأ .. باسم الميــانه = عارفٍ قدر الصداقه مع صديقٍ ما يخــــونه
بينـنا دلة قــراحٍ فـــاح منـها زعـفــــرانه = قــدرها مـدت يمـيني للنشــاما يشـــربونه
ذاك ضـلعٍ لو تكلم ما بغــيت الترجــــمانه = قال أنا عشقي لسلمى عشقت القيس وجنونه
يا جـبل سلـمى طلبـتك شـاعرٍ بيّن زمـــانه = بيننا خل المحــبه كل ناسٍ يذكـــــــرونه
جيت لك رابــع ثلاثه .. مالقوا فيك المهـــانه = يا عسى ديرة خـوالك يا يبه يكـثر مـزونه
وللجميع تحياتي وتقديري